என் தோழி!

றியானாஹிப்

அன்னையவள் பாசத்தை
அன்று சுவைத்திருந்த எனக்கு
அன்பிலே உயர்ந்திட்ட உன் நட்பும்
அருகில் நான் சுவைத்திட்ட பாசம் தான்

நான்கு வயதில்
நான் யாரெண்டரியா வேளை
நான் நானாக உனைக்கண்டேன்
நான் கண்ட நாளில் நட்புக் கொண்டேன்

சுதந்திரமாய் நாம்
சுற்றிட்ட இளமை – எமை
சூழ்ந்திருக்கும் கவலைகளை இன்றும்
சுருட்டி எறிந்திடுமே..

வாழ்கையிலே நாம் வென்று
வாழ்வின் ஒருநாளில்
வாழ்ந்து காட்டுவோமடி – என்றும்
வாழ்வில் அழியாதது நம் நட்பே


உனக்காய் ஆயிரம் உறவும்
எனக்காய் ஆயிரம் உறவும்
உண்மையாய் கிடைத்திடினும்
எம் நட்பே உயர் உறவுகள் நமக்கு..

என் வீட்டில் உன் மனமும்
உன் வீட்டில் என் மனமும்
எதிர் செல்லும் அலையாகும்
உருண்டோடும் அருவியாகும்..

காதலரை விட நாம்
ஐக்கியமாய் வாழ்ந்திருப்போம்..
உனக்காய் ஒருத்தனும்
எனக்காய் ஒருத்தனும் துணையாய் வரும்வரையில்..

நம் நட்பை புரிந்திட்ட
நம் நட்பை தெரிந்திட்ட
நமக்கே உரித்தான – ஒரு
நல்லிதயம் கிடைத்திடுமா??

ஏக்கமாய் உன் விழி
கண்டு கேட்கேன் நான்..
கிடைக்கும் என கண்சிமிட்ட
உன் நெஞ்சில் சாய்ந்திட வினைகிறேன்...